Souvenir | Tromperie

Ireo ditra natao, ireo vazontsika,
Dia mbola tadidiko hatramin’izao.
Ny angolangola, ianao misariaka,
Tsy afaka anaty ahatsiarovako anao.

Izay hira izay no atolotro anao,
Ho zary veloma sy faran'adidy.
F’aleo aho hisinda, ho fo vaovao,
Hiova fitia, hamafa tadidy.

Ireo teninao mamy toa fary
Zary nanodina ny hambom-poko.
Hay izy ireny teny marary
Hay izy ireny sakafo maloto.

Nilaza ianao inty aho raiso
Anjakao ny vatako ho anao.
Fanatitra sady no sady efa lo
No sisa anjarako navelanao.

Tso-drano foana, tsy lolom-po,
Dia mahereza, dia bon courage.
Ho sambatra ianao, hiadana, ho to,
Ireo faniriana fa ny ahy fomba fiady.

Diso aho, diso natoky fitia.
Hay va re, hay va re ka dia tromperie!